Bodyguard ni mayor todas sa ambush
MANILA, Philippines — Patay ang isa sa mga miyembro ng security group ng isang alkalde matapos siyang pagbabarilin ng hindi pa nakilalang salarin na nakasakay sa motorsiklo sa Brgy. Sta. Rosa, Mulanay, Quezon nitong Sabado ng umaga.
Kinilala ni Calabarzon Police Dir. P/Chief Supt. Guillermo Lorenzo Eleazar ang biktima na si Ruben Subia, 60, isa sa mga bodyguard ni Mulanay Mayor Tito Ojeda at empleyado rin sa Mulanay Municipal Hall.
Sa ulat, bandang alas-5:10 ng umaga habang lulan ng kanyang kulay itim at asul na GD motorcycle (DC 27621) si Subia at pauwi na sa kanilang tahanan nang siya ay harangin at pagbabarilin ng isang rider na nakasuot ng helmet at kulay kayumangging jacket. Tumakas ang suspek patungo sa direksyon ng Catanauan, Quezon at narekober sa crime scene ang 13 piraso ng bala ng cal. 9mm.
Patuloy ang imbestigasyon sa kaso na pinaniniwalaang may kinalaman sa pulitika ang motibo.
- Latest
