Nene hinalay ng lolo
ATIMONAN, QUEZON, Philippines — Maagang napariwara ang kinabukasan ng isang 8-anyos na paslit makaraang halayin ng kapitbahay na 60 anyos at sinuhulan pa ng barya kamakalawa ng hapon.
Arestado at sinampahan ng kaukulang kaso ang suspek na kinilala lang bilang si “Lolo Cardo” habang sumasailalim sa counseling ang biktimang itinago sa pangalang “Irene”.
Batay sa imbestigasyon ng Atimonan PNP Womens and Childrens Desk Section, dakong alas-12:30 ng tanghali ay bumibili ng yelo ang paslit sa bahay ng suspek at doon ay pinapasok ito sa kuwarto.
Hinubaran umano ng suspek ang bata saka pinagsamantalahan at pagkatapos ay tinakot na huwag magsusumbong at binigyan ng tatlong piso na pambili umano ng kendi.
Gayunman nang makauwi sa kanilang bahay ay ikinuwento ng biktima sa kanyang ina ang ginawa ng suspek kung kaya ipinaaresto ito sa mga otoridad.
- Latest