Tibo iniwan ng nobya, nagbigti
MANILA, Philippines — Nagbigti sa puno ang isang 18-anyos na tibo matapos na hindi umano matanggap ang ginawang pakikipagkalas ng kanyang nobya naganap kahapon ng umaga sa Brgy.Pulong Gubat, Balagtas, Bulacan.
Sa ulat, dakong alas-7:00 ng umaga nang matagpuan ng kanyang kaanak ang biktima na si Kimberly Abo, ng nasabing lugar na nakabigti sa puno ng kanilang bakuran.
Nabatid na hinahanap ang biktima ng kanyang kaanak nang ito ay hindi makita sa loob ng bahay.
Nang mapadako ang kapatid nitong lalaki sa mga puno ng mangga ay dito na nakita ang biktima na nakabigti.
Ayon sa kaanak naging malungkutin ang biktima nang makipagkalas ang kanyang nobya na menor de edad na kapitbahay nito.
Una nang nagtangkang magpakamatay ang biktima nang uminom ito ng bleach, subalit naagapan ito at dinala sa ospital.
- Latest