‘Tulak’ bulagta sa buy-bust

NORTH COTABATO , Philippines  — Napatay ang isang kilabot na tulak ng droga matapos itong pumalag sa mga otoridad sa  isinagawang buy-bust operation Purok Sta. Teresita Brgy. Calean, Tacurong City, Sultan Kudarat, kamakalawa ng gabi.  Kinilala ang bumulagtang suspek na si Dodong Santillana, nasa hustong gulang at residente ng Kitao-tao sa lalawigan ng Bukidnon. Ayon sa ulat ng pulisya, bigla na lang umanong nagpaputok ang suspek nang mamataan nito ang mga parating na parak dahilan upang gumanti ang mga pulis na nagresulta sa kamatayan nito. 

Samantala, isang Rubelyn Lanto naman ang na-aresto sa naturang operasyon.  Base sa imbestigasyon ang suspek ay kasapi sa isang grupo na sangkot sa serye ng pagbebenta ng mga pekeng gold bars at karamihan sa mga biktima nila ay mga taga-Bukidnon at iba pang mga probinsya. Narekober sa suspek ang isang pekeng gold bar, isang kalibre .38 baril, at isang plastic sachet ng shabu.