Kagawad na kumakandidatong chairman timbog sa drug buy bust
TUGUEGARAO CITY, Cagayan - Nasakote sa isang drug buy bust operation ng pulisya ang isang nakaupong barangay kagawad na kumakandidatong chairman sa darating na May 14 elections sa Barangay Rizal, Santiago City, Isabela.
Kinilala ni Cagayan Valley Police Director Chief Supt. Mario Espino ang suspek na si Eugenio De Leon, 53, kagawad ng Barangay Mabini.
Nasamsam kay De Leon ang dalawang malaking heat sealed plastic sachets ng shabu at ang P5,000 entrapment money na tinanggap niya sa isang police poseur-buyer.
Nabatid na si De Leon ay kabilang sa listahan ng High Value Target ng pulisya at pinaniniwalaang may koneksiyon sa isang malaking sindikato ng droga sa Maynila na nagsu-supply ng shabu sa Isabela, Quirino at Nueva Vizcaya.
- Latest