Grade 11 stude nag-suicide sa iskul

TUGUEGARAO CITY, Cagayan, Philippines — Pinaniniwalaang may dinadalang mabigat na suliranin ang isang grade 11 na dalagita kung kaya’t nagpasiya na lamang itong magpatiwakal makaraang lumundag mula sa ika-apat na palapag ng paaralang pinapasukan nito sa Barangay Caritan Centro sa lungsod na ito kamakalawa. ?

Sa report na nakarating kay Supt. Edward Guzman, hepe ng PNP Tuguegarao City,  sinabihan pa ng biktimang 17-anyos na si Jenifer Legajet na lumayo ang nagtangkang pumigil na sekyu dahil wala naman itong maitutulong sa kanyang problema bago ito tumalon. 

Nagsisigawan at nag-iiyakan ang mga kamag-aral ni Legajet na nakasaksi sa pagpapatiwakal nito dakong alas-9:30 ng umaga. ?Isinugod si Legajet sa Cagayan Valley Medical Center kung saan ito binawian ng buhay dakong alas-8:00 ng gabi. ?Palaisipan pa rin sa mga imbestigador ang dahilan ng biktima sa pagpapakamatay.