16-anyos kisay sa kuryente

CAVITE , Philippines  — Kamatayan ang sinapit ng 16-anyos na lalaki makaraang makuryente habang nanghuhuli ng gagamba sa bayan ng Kawit, Cavite kamakalawa ng hapon. Patay agad ang batang biktimang si Edison Caratay ng Block 18, Lot 17, Pinagkaloob 1 sa Barangay Toclong sa nasabing bayan. Batay sa police report na nakarating sa Camp Pantaleon Garcia, nagtungo ang biktima sa madamong bahagi ng bakuran sa nasabing lugar upang manghuli ng gagamba.

Subalit napakapit ito sa talop na kable ng kuryente sa bakuran ng bahay. Nangisay ang biktima at bumulagta kung saan naisugod naman sa pagamutan subalit namatay din ito habang ginagamot. Kasalukuyang iniimbestigahan ng pulisya ang may-ari ng bakuran para managot sa nasabing insidente.