Mag-utol, 2 pa timbog sa drug-bust
LUCENA CITY , Philippines — Swak sa selda ang magkapatid na hinihinalang mga tulak ng droga at dalawan pang babae makaraang masakote ang mga ito sa drug-bust sa Purok Buklod Pagkakaisa, Brgy. Cotta, kamakalawa ng gabi. Kinilala ni P/Supt.Vicente Cabatingan, ang mga dinakip na magkapatid na sina Ronald at Francis Mandac, edad 36 at 42, Melinda ‘Tita Nitz’ Caringal, 60 at Annabelle Avenis, 37, pawang mga residente ng barangay Cotta.
Ayon kay Cabatingan, dakong alas 6:55 ng gabi nang isagawa ng isa sa mga operatiba ng Lucena PNP-DEU ang pakikipagtransaksyon kay Ronald at Tita Nitz. Nang aktong nag-aabutan na ng hinihinalang shabu ay doon na inaresto ang dalawa at sa loob ng bahay ay nasakote rin ang dalawang iba pa na aktong gumagamit ng droga .Sa kabuuan ay aabot sa 2.5 gramo, P500 marked money at drug paraphernalias ang nakumpiska buhat sa mga suspek.
- Latest
