11-anyos ginulpi hinataw ng baril ng ama
Tony Sandoval (Pilipino Star Ngayon) - January 13, 2018 - 12:00am

CANDELARIA, Quezon, Philippines — Ospital ang binagsakan ng isang 11-anyos na lalaki matapos na bugbugin at hatawin pa ng baril ng seng­lot na ama sa Barangay Masalukot 2, kamakalawa ng madaling araw.

Itinago ng Municipal DSWD ang biktima sa pa­ngalang Leo samantalang nakapiit na sa municipal jail ang suspek na si Llorente Adaya, may sapat na taong gulang na nahaharap sa mga kasong paglabag sa R.A. 7610 at R.A. 10591.

Ayon sa ulat ng pulisya, alas-3:00 ng madaling araw ay nasa kahimbingan ng pagtulog sa loob ng kanilang bahay ang bata nang dumating ang la­sing nitong tatay at ginising siya sa pamamagitan ng sapok. Hindi pa nakuntento, pinukpok pa ng suspek ng puluhan ng baril ang ulo ng anak saka isinubsob ang mukha sa sementadong sahig sanhi ng pagkasugat nito.

Nang makatulog ang ama, sinamantala ng biktima na tumakas sa kanilang bahay at magsuplong sa himpilan ng pulisya.

Sa follow-up operation,  nadakip ang suspek at nakumpiska sa kanya ang isang walang papeles na Smith and Wesson caliber 38 na may kasamang anim na bala.

Philstar
Facebook
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with