Estudyante nilamon ng dam
MANILA, Philippines — Patay ang 12-anyos na high school student matapos itong malunod sa Magat Dam Reservoir Dam sa Barangay namilangan sa pagsalubong sa unang araw ng 2018 sa bayan ng Alfonso Lista, Ifugao kamakalawa ng hapon. Kinilala ang biktima na si Kurt Bawi Blanker ng Malabon City na nagtungo lamang sa nasabing lugar sa kaniyang mga kamag-anak para magdaos ng Bagong Taon kasama ang kaniyang pamilya. Sa ulat ng Cordillera Police na naisumite sa Camp Crame, nagkatuwaan ang biktima at ang 10-anyos na pinsan nitong si Rowel Linglingon Bawi na maligo sa nasabing dam. Gayunman, napagawi sa malalim na bahagi ng dam ang biktima kaya ito nilamon ng tubig. Nagawa pang maiahon ng mga tauhan ng Municipal Disaster Risk Reduction and Management Council ang katawan ng biktima subalit idineklarang patay sa Potia District Hospital.
- Latest