Motorcycle rider utas sa gitgitan

LEGAZPI CITY, Albay, Philippines — Patay ang motorcycle rider matapos itong tumilapon at humampas sa sementadong kalsada dahil sa nakagitgitang motorsiklo sa kahabaan ng national highway sa Barangay Imalnud sa Legazpi City, Albay kamakalawa ng gabi. Idineklarang patay sa Bicol Regional Training and Teaching Hospital ang biktimang si Christopher Ajero ng nasabing barangay. Sa police report na nakara­ting sa Camp Simeon Ola, magkasunod na binabaybay ng motorsiklo (5470-WN) ng biktima at ng hindi nakilalang rider ang highway nang subukan ni Ajero na mag-overtake sa sinusundang motorsiklo. Gayunman, ayon sa mga nakasaksi habang sinusubukang mag-overtake ni Ajero ay biglang ginitgit siya nang sinusundang motorsiklo kaya ito  sumemplang at tumilapon saka humampas sa kalsada.