Misis dedo, mister at anak sugatan sa banggaan

TUGUEGARAO CITY, Cagayan  , Philippines - Patay ang isang 37-anyos na misis habang kritikal ang mister at paslit na anak nito matapos tumbukin ng rumaragasang kotse ang kanilang sinasakyang motorsiklo sa Brgy. Magdalena, Cabatuan, Isabela kamakalawa ng gabi. ?Kinilala ng pulisya ang nasawi na si Rizalyn Silva habang inoobserbahan naman sa hospital ang mister nitong si Rodolfo Silva, 47, at anak na si Afrix 11, pawang ng Brgy. Sampaloc, nasabing bayan. Habang tumatawid sa junction ng highway ang magpamilya nang abutan sila ng kotseng minamaneho ni Chrisptopher Danan, 21, isang bank teller dakong alas-10 ng gabi. ?Sa lakas ng impact, tumilapon at nagpagulong-gulong ang mag-anak sa kalsada. Agad na isinailalim sa kustodiya ng mga nagrespondeng pulis si Danan matapos ang aksidente.