2 dedo sa salpok ng sasakyan

NUEVA VIZCAYA, Philippines - Dalawang matanda ang iniulat na namatay sa naganap na magkahiwalay na sakuna sa dalawang bayan sa lalawigan ng Ilocos Norte kamakalawa. Kinilala ng pulisya ang mga biktimang sina  Aquilina Lagaso, 78, ng Barangay Susugaen, Pasuquin; at Venacio Duca, 79, ng Barangay Zone 7 sa Barangay Nangalinan sa bayan ng Baggao. Base sa imbestigasyon ng pulisya, nasalpok ng motorsiklo ni Maynard Balitek ang biktimang si Lagaso habang ito ay tumatawid sa kalsada sa Barangay Susugaen sa bayan ng Pasuquin. Samantala, namatay din si Duca matapos itong masalpok ng hindi natukoy na uri ng sasakyan habang ito ay tumatawid sa kalsada sa bayan ng Baggao. Iniwan na lamang ang biktima na nakahandusay sa gilid ng kalsada.