2 tinedyer dedo sa road mishap
COTABATO CITY, Maguindanao, Philippines - Patay ang dalawang tinedyer makaraang salpukin ng kotse ang kanilang motorsiklo sa kahabaan ng Malabuaya sa Barangay Kayaga, bayan ng Kabacan, North Cotabato kamakalawa ng tanghali.
Kinilala ang dalawa na sina Nasrula Pamansag, 17; at Mansur Ismael, 16, mga estudyante at nakatira sa Barangay Balungis, bayan ng Pikit.
Ayon sa police report, nag-overtake ang dalawang motorsiklo sa multicab subalit nasalpok ng Nissan Sentra ni retired AFP personnel na si Rodolfo Alcordo Lago na patungong bayan ng Kabacan.
Nagawa namang makailag ng driver ng isang motorsiklo pero ang sasakyan ng dalawang biktima ang sumalpok sa kotse ni Lago.
Kaagad na namatay ang driver ng motorsiklo na si Pamansag habang sa ospital na namatay ang kaangkas nitong si Ismael.
- Latest
