Pinsan kinatay ng mag-utol

CAMARINES NORTE, Philippines - Matinding galit ang naging ugat upang saksakin at tagain sa iba’t ibang parte ng katawan mula sa nagngangalit na magkapatid ang kanilang pinsan makaraang hindi magkaroon ng hindi pagkakaintindihan sa Brgy. Bulusan, Libon, Albay kamakalawa ng gabi. Ang biktimang si Roman Saya, ay walang awang pinagsasaksak at pinagtataga ng suspek na si Soliven Tiñoso. Hindi pa nasiyahan, hinampas naman ng kapatid ni Soliven na si Richard Tiñoso ng isang kapirasong kahoy sa mukha ang biktima na naging dahilan ng agarang kamatayan nito.  Mabilis namang naaresto ng mga nagrespondeng pulis si Soliven habang tinutugis ang kapatid na si Richard na nagawang makatakas matapos ang pamamaslang.