Dalagita ni-rape ng hardinero

BAYOMBONG, Nueva Vizcaya, Philippines – Isang 15-anyos na dalagita ang dumulog sa himpilan ng pulisya kasama ang kanyang kamag-anak matapos gahasain umano ng isang hardinero sa bayan ng Santa Fe ng lalawigang ito, kamakalawa. Sa ulat ng pulisya, dakong alas 12:30 ng madaling araw habang natutulog mag-isa ang biktima na itinago sa pangalang Angel, Grade 9 student ng Brgy. Sinapaoan sa loob ng kanyang silid ng kanilang tahanan nang pasukin ng suspek na si Emilio Leano, 25, ng Sitio Yangiran, nasabing barangay. Tinakpan umano ng suspek ang bibig ni Angel at dahil sa matinding takot ay nawalan ito ng malay at nang magkamalay ay masakit na ang maselang bahagi ng kanyang katawan habang ang suspek ay nakahiga sa kanyang tabi.