Minero utas sa gumuhong tunnel

TUGUEGARAO CITY, Cagayan, Philippines – Nailibing nang buhay ang 50-anyos na minero matapos bumigay ang pinasok nitong tunnel na may 15 metrong lalim sa kabundukan ng Barangay Ampucao sa bayan ng Itogon, Benguet kamakalawa. Kinilala ni Director Alex Andrew Uy ng Cordillera Office of the Civil Defense ang biktima na si Narciso Segundo ng Sitio Bet-ang sa nasabing lugar. Bagama’t hindi naman maulan sa lugar ay sadyang lumambot na ang lupa sa kabundukan dala ng walang habas na pagkakalkal ng mga minero sa bundok.?Nagawa rin ilabas ng mga kabaro ni Segundo ang kanyang bangkay dakong hapon.