Mag-lover tiklo sa buy-bust

TUGUEGARAO CITY, Cagayan, Philippines – Rehas na bakal ang binagsakan ng mag-lover makaraang masakote ng mga awtoridad sa inilatag na buy-bust operations sa Barangay Magassi sa bayan ng Cabagan, Isabela kamakalawa. Sa pahayag ni  P/Insp. Orlando Marayag, deputy chief ng Cabagan PNP, nakatakdang kasuhan ang mga suspek na sina James Paraggua, 37, ng San Pablo, Isabela; at Sarah Masucat, 35, ng Taguig City, Metro Manila. Ayon kay Marayag, isinailalim sa masusing survielance ang mga suspek dahil sa pagpapakalat ng droga sa mga bayan ng Cabagan at Tumauini kung saan nasamsam sa dalawa ang 11-plastic sachets ng shabu at hindi nabatid na malaking halaga ng pera.