Pulis dedo sa killer bike

CAMARINES NORTE, Philippines – Bumulagta ang 40-anyos na pulis matapos itong masagasaan ng motorsiklo habang naka-duty sa national highway sa Barangay San Francisco, bayan ng Malilipot sa Albay kamakalawa ng gabi.  Idineklarang patay sa Bicol  Regional Training and Teaching Hospital ang biktimang si SPO2 Robert Berdin, may asawa, nakatira sa Barangay Gubat-Iraya sa bayan ng Bacacay, Albay at nakatalaga sa himpilan ng pulisya sa bayan ng Malilipot. Naaresto naman ang driver ng motorsiklo na si Arnel Carmona, 27, ng Purok 2 sa Barangay San Juan, Tabaco City, Albay.