Coed pinilahan ng 4-tinedyer

NORTH COTABATO, Philippines – Nawasak ang pagkababae ng isang kolehiyala matapos itong pinalahan ng apat na tinedyer na lalaki sa Barangay Upper Carmen sa Cagayan de Oro City, Misamis Oriental kahapon ng madaling araw. Ayon kay PO3 Eniego Obiosca ng Carmen PNP, nakipag-date ang biktima sa kanyang boyfriend nang hatakin at pilahan ng mga suspek. Ang biktima na itinago lamang sa pangalang Lalang ay kasalukuyang ginagamot dahil sa pagkawasak ng maselang bahagi ng katawan matapos pinalahan. Nabatid na ginapos ng mga suspek ang kasintahan ng biktima kaya tuluyang naganap ang krimen. Itinanggi naman ng tatlo sa mga suspek na kasama silang humalay sa biktima. Iginiit ng mga suspek na hinawakan lamang nila ang kamay ng biktima habang hinahalay ni alyas John-John ang kolehiyala.