Misis tinarakan sa harap ng anak
LEGAZPI CITY, ALBAY, Philippines -Hindi na umabot pa ng buhay sa pagamutan ang isang 45-anyos na misis matapos na ito ay pagsasaksakin ng di-nakikilalang suspek habang papauwi sa kanilang bahay kamakalawa ng gabi sa Purok Sagurong, Barangay Dinapa, Castilla, Sorsogon.
Ang biktimang si Emma Magdaong, 45 at residente ng nasabing lugar ay dead-on-arrival sa Vicente Peralta Memorial Hospital.
Batay sa ulat ng pulisya ang insidente ay naganap dakong alas 11:45 ng gabi habang ang biktima at ang anak nitong si John Mark Magdaong, 8, ay naglalakad papauwi sa kanilang bahay, nang biglang lumapit ang suspek at mabilis na pinagsasaksak ang biktima at saka tumakas.
Ang mga biktima ay galing umano sa Dinapa Elementary School at dumalo sa sayawan dito. Masusi naman iniimbestigahan ng mga otoridad ang motibo ng pagpatay sa biktima.
- Latest
