Motorsiklo sumalpok sa trak, driver utas

CAMARINES NORTE, Philippines  - Patay ang isang 37-anyos na lalaki makaraang sumalpok ang kanyang motorsiklo habang bumabagtas sa isang intersection sa Municipal road ng Brgy. Balaogan, Bula, Camarines Sur kamakalawa ng umaga.

Nagtamo ng malaking pinsala sa ulo at katawan ang biktimang si Raul Santiano, may-asawa, residente ng Zone 5 ng nasabing barangay dahil sa lakas ng pagkakasalpok sa isang Isuzu Elf truck na minamaneho ni Bernardino Seva, 51, may-asawa ng Brgy. San Roque, Iriga City.

Sa imbestigasyon ng pulisya naganap ang insidente dakong alas-10:00 ng umaga, kung saan sakay ng itim na motorsiklo ang biktima nang bigla nitong makasalubong sa naturang intersection ang trak.

Napag alaman na walang lisensya ang biktima ng maganap ang insidente habang ang drayber ng trak ay boluntaryong sumuko sa mga awtoridad.