Rider pisak sa truck, tinakasan pa
Cavite, Philippines - — Patay agad maÂtapos mapuruhan nang sumalpok na truck ang isang 45-anyos na mister habang ito ay sakay ng kanyang motorsiklo at bumabagtas sa kahabaan ng Tirona Highway, Brgy. Habay 1, Bacoor Cavite.
Ang biktima ay kinilala ng pulisya na si Nicolas Valla, 45, residente ng Blk. 7, Lot 24, Ph.3 Homer Homes, Brgy. Alapan 2-A, Imus City, Cavite.
Mabilis namang tumakas ang truck driver makaraang masalpok ang biktima.
Batay sa imbestigasyon ni PO3 Angelito Roxas, alas-11:45 ng gabi ng maganap ang insidente habang ang biktima ay lulan sa kanyang single na motor (1637-DB) Honda na kulay itim at bumabagtas sa nasabing highway.
Bigla na lamang umano itong tumilapon matapos na tumbukin ng isang truck na hindi nakuha ang plaka. Sa halip na huminto ay humaÂrurot pa umano ang nasabing truck at iniwan ang nakaÂbulagtang biktima.
- Latest
