Magkaibigan utas sa killer trak

NORTH COTABATO, Philippines - - Patay ang magkaibigang nakamotorsiklo makaraang salpukin ng 10-wheeler truck sa kahabaan ng kalsada sa Barangay Poblacion, bayan ng Antipas, North Cotabato kamakalawa ng hapon. Kinilala ang dalawa na sina Nilo Manalo, driver ng motorsiklo at Michael Orcajada na kapwa nakatira sa Purok Malipayon sa nasabing barangay. Hindi napansin ng driver ng trak na si Virgilio Blando ang paparating na motorsiklo ng mga biktima nang magtangka itong mag-overtake sa motorsiklong sinusundan. Sinubukan pa ni Manalo na iiwas sa trak ang motorsiklo subalit nabigo ito at tuluyang bumangga. Boluntaryo namang sumuko ang  driver ng truck matapos ang aksidente.