Driver ‘di-nagremit, inutas

CAVITE, Philippines – Pinaniniwalaang bentahan sa bawal na droga ang isa sa motibo kaya binaril at napatay ang traysikel driver ng isa sa dalawang drug  pusher  kamakalawa ng hapon sa Barangay Queensrow, Bacoor City, Cavite. Nasapol sa dibdib ang biktimang si Camilo “Pancho” Flores ng Block 13 Lot 26 Blue Ave. Camella North, Springville, Brgy. Molino 3 sa nabanggit na lungsod. Tugis naman ng pulisya ang mga suspek na isa sa kanila ay nakilalang si Edgardo Bobet” Ramos IV alias Bobet, 22, ng Blk 13 Lot 2 Strikeville Subd. sa nabanggit na barangay. Ayon kay P03 Angelito Roxas, hindi nakapag-remit ng benta ng bawal na droga ang biktima  sa suspek kaya pinaslang.