Gilas women’s may matututunan sa FIBA Asia Cup
MANILA, Philippines — Susubok na makasilat ang Gilas Pilipinas wo-men’s team sa 2021 FIBA Women’s Asia Cup sa Setyembre 27-Oktubre 3 sa Amman, Jordan ngunit mas mahalaga ang karanasang makukuha nila sa paglahok sa torneo.
Ayon kay Gilas head coach at program director Pat Aquino, pagkakataon ito sa mga bagong Gilas players sa pangunguna ni Ella Fajardo na makaipon ng karanasan sa big stage bilang tagapagmana ng national team program.
“More than anything, the team will be there to compete and give their all but the main goal is to build our Gilas program around our younger players like Fajardo by giving them the exposure and opportunity they deserve. They will be the next big thing.”
Bukod kay Fajardo na kahapon lang nakasasali sa Gilas bubble training camp sa Summit Point Golf and Country Club sa Lipa, Batangas matapos ang mandatory quarantine, nasa koponan din sina Karl Ann Pingol, Kristine Ca-yabyab at Camille Clarin.
Sasalang sila sa unang international 5-on-5 tourney sa Asia Cup matapos ang ilang Gilas 3x3 tournaments.
Makakasama ni Fajardo at ng batang Gilas team ang ilang core players ng 2019 SEAG champion team sa pangunguna nina Afril Bernardino at Janine Pontejos.
- Latest
