Huling Eba sa Paraiso (132)

“TAMA ang sabi ng waiter na pawang mga menor-de-edad ang mga nagsasayaw dito. Drew,’’ sabi ni Luke na hindi ina­alis ang pagkakatingin sa mga kababaihang nagpaparada sa stage habang sinasaliwan ng maharot na tugtog.

“Oo nga, Luke. Nagulat ako dahil hindi ganito ang sitwasyon nung i-rescue ko si Marianne. Walang mga menor-de-edad nun. Pawang edad 20 pataas. Pero ngayon parang kinse pa lang ang nagsasayaw. Parang may mga gatas pa sa labi.’’

“Tama ka Drew. Napakababata pa ng mga yan. Saan kayang probinsiya na-recruit ang mga ‘yan?’’

Maya-maya matapos magrampa ang anim na kababaihan, nagtungo na sila sa backstage at na­matay naman ang ilaw. Binalot ng dilim ang club.

Maya-maya, biglang nag­liwanag. Sumasayaw ang mga ilaw. Nagsalita ang DJ. Ipinakikilala ang mga babae. Ayon sa DJ mga estudyante ang mga ito. Habang pinakikilala ng DJ ay isa-isang lumalabas ang mga babae. Humanay sila sa stage. Hanggang sa pumailanlang ang maharot na tugtugin. Uminda-indayog ang mga dancers.

Pinagmasdan ni Luke ang mga kalalakihan na pawang nakatutok sa harapan ng mga babae. Halos lumuwa ang mga mata sa nakikitang kariktan sa entablado.

Maya-maya pa namatay uli ang ilaw. Mga ilang segundo marahil na nawala ang ilaw. At nang mabuhay, naroon pa pala sa stage ang mga babae.

At ang nakaka-shock, hubo’t hubad na ang mga ito. Titig na titig si Luke at Drew. Hindi halos sila humihinga sa nakitang tanawin na pawang mga hubad na eba.

Napansin ni Drew na talagang menor-de-edad pa ang mga babae dahil sa sukat ng katawan. Hindi maikakaila na may “gatas pa sa labi’’ ang mga ito.

Binulungan ni Drew si Luke.

‘‘Nakukunan mo ba sila, Luke? Matibay na ebi­den­siya ‘yan.’’

“Kanina pa, Drew. Walang hindi nakalusot sa cam ko.’’

Nakita nilang umiinda-indayog ang mga babae.

Maya-maya may nag-split sa sahig. Lumagabog ang stage.

Lahat nang pangyaya­ring ‘yun ay naidokumento ni Luke. Walang napalampas.

‘‘May susunod pa kaya diyan, Drew?’’

‘‘Meron pa Luke. Mas matindi pa riyan.’’

Naghintay sila. Hanggang dumating ang kinasa­sabikang panoorin.

(Itutuloy)