Ella, mas nag-viral dahil sa Take It...

Ah super tren­ding ang ‘banter’ nina Nay Lolit Solis at Mr. Fu sa Take It! Take It! Me Ganon?! last Tuesday tungkol kay Ella Cruz.

Ito ang chikahan nila sa digital program ng Pilipino Star NGAYON na napapanood ng live every Tuesday, 12:00 to 1:00 p.m.:

Mr. Fu : “Ano bang masasabi mo kay Ella Cruz? Kilala mo ba si Ella Cruz?”

Lolit: “Alam mo, bilib ako sa utak niya. Imagine-in mo isa siyang walang kakwenta-kwentang starlet. Na ngayon pinag-uusapan na. In fairness, ang galing, ‘di ba? Sinong makakaisip non? Tinalbugan niya talaga lahat. Biro mo, biglang “sino s’ya?” Nag-react lahat dahil hindi mo aakalain na may isa palang bobita, ganito kabobong tao sa mundo.”

Mr. Fu: “Basta, Ella Cruz, alamin lang natin, ang history ay history, tsismis ay tsismis, magkaiba ‘yon. Kasi history is based on facts. Ang tsismis, heto nagtsisismisan tayo. Magkaiba ‘yon, hindi natin puwedeng i-intertwined. Kaya ka nag-trending pero congratulations kasi napag-usapan ka, trending ka ngayon.”

Hahaha in all fairness kay Ella, ngayon lang talaga siya pinag-usapan ng ganito ka-bongga. Dahil sa dialogue na “history is like chismis.”

Sa rami actually ng mga naging project niya sa Viva, dito siya nagkaroon ng maraming mileage sa pelikulang Maid In Malacañang.