Cesar, kasundo na uli ang mga anak

Maayos na maayos na ang relasyon ni Cesar Montano sa mga anak nila ni Sunshine Cruz na ­sina Angelina, Sam at Chesca.

Magkasundung-magkasundo rin ang aktor at anak nila ni Teresa Loyzaga na si Diego Loyzaga. Labis na kaligayahan ang nararamdaman ni Cesar dahil kahit hindi kasama sa bahay ay maganda naman ang pakikitungo ng mga anak sa kanya. “Napakasaya, nakakatuwa dahil last Father’s Day, magkakasama sila. ‘Yung isa lang ang hindi nakapunta dahil nasa Bohol, mayroong commitment. Pero nakakatuwa na magsama-sama silang lahat, a dream come true. Kasi kung pipilitin kong mang­yari ‘yon, hindi mangyayari ‘yon. It happened like a flow of water. Natural na natural na nangyari eh,” makahulugang pahayag ni Cesar.

Masayang-masaya rin ang aktor dahil nakikita at nararamdamang magkakasundo ang lahat ng mga anak kahit magkakaiba ang mga ina. “Okay lahat, masaya kami, we had a grand time. Nagkwentuhan, nagbalik sila sa bahay, nakakatuwa. Then of course reminiscing those kids days nila. Kung paano ko sila pinapagalitan, kung paano kami nagkukuwentuhan. Tawanan nang tawanan. Pati si Diego is there,” kwento niya.

Matatandaang nagkaroon ng hindi pagkakaintindihan noon sa pagitan ni Cesar at ng kanyang mga anak maraming taon na ang nakalilipas.

Para sa aktor ay normal lamang na nagkakaroon ng mga hindi pagkakaunawaan sa bawat pamilya. “Kung hindi ka magkakaroon ng problema, you will not become a better person. Hindi naman pwedeng puro good lang nangyayari. So kasama sa buhay talaga ‘yan. For a reason nangyayari ‘yung mga gano’n. Tama ang sinabi ng Diyos, ‘Rejoice everyday, pray without sins and be thankful.’ So I am thankful na nangyari ‘yon. Kung hindi nangyari‘yon hindi mas close ‘yan. Kasi mas iba ‘yung bonding eh. Iba ‘yung adhesive na nangyari sa family noong nagkaroon ng problema,” paliwanag ng aktor.

Ivana, pabebe kung umiyak

Simula mamayang gabi ay mapapanood na sa Kapamilya Channel ang A Family Affair na pinagbibidahan ni Ivana Alawi.

Makakatambal ng sexy actress sa kauna-unahang pagkakataon sina Gerald Anderson, Jameson Blake, Jake Ejercito at Sam Milby. Aminadong nahirapan si Ivana sakanyang karakter bilang si Cherry Red lalo na sa mga eksenang mayroong iyakan. “Si Cherry Red mapagmahal din sa pamilya. Pareho na pareho kami na mahal na mahal namin ‘yung pamilya namin. ‘Yung pinaka-nahirapan ako, sa mga iyakan. Kasi ‘pag umiyak ako ‘yung pabebe lang. Tapos dito ‘pag ‘yung mga drama talagang you really have to do well and napi-pressure ako do’n,” pagtatapat ni Ivana.

Madalas na nakakasama ng aktres ang pamilya sa kanyang mga ginagawang video blogs. Kahit abala sa kabi-kabilang trabaho ay sinisi­guro ni Ivana na mayroon pa ring panahon para sa mga mahal sa buhay. “Importante na may family time kami. That we don’t post everything. Hindi kami ‘yung bawat na ginagawa namin vini-video ko. So there is still time for us for family time. Kapag may problema kami or kapag may personal issues ako, I always try to keep it and resolve it by myself. Hindi talaga kami ma-post. I don’t think kailangan nila ng protection ko. Kasi lahat sila malalaki na lalo na si mama,” pagbabahagi ng aktres. (Reports from JCC)