Heart, lumevel sa mga international star / model sa Cannes filmfest
Pero napagkamalang walang underwear...
Todo-rampa na si Heart Evangelista sa Cannes Film Festival.
Ito ay kahit wala siyang pelikulang kasali sa nasabing prestigious film festival sa Cannes, France.
Fashion event na rin kasi ang Cannes Filmfest kaya mga sikat talaga ang rumarampa sa red carpet.
Kasama sa mga nag-red carpet ngayong 2022 sina Anne Hathaway, Julia Roberts, Tom Cruise, Bella Hadid, Rebecca Hall, Kristen Stewart, Isabelle Huppert, Korean actor Lee Jung-jae, Jennifer Connelly, Julianne Moore, at maraming-marami pang ibang famous personalities sa fashion and entertainment world.
Sa unang pasilip ni Heart ng kanyang mga outfit, tadtad ng crystals ang gown at mini bag.
Suot niya ang isang asymmetrical spaghetti-strapped black midi dress na gawa ni David Koma.
Same dress ito ng Polish actress na si Anna-Maria Sieklucka sa premiere night ng erotic drama na 365 Days na napapanood sa Netflix.
Tanong nila ‘who wore it better?’
Anyway, second outfit niya ‘yung bra top at thigh-high slit skirt. Wow all the way ang cutout nito sa magkabilang gilid, na animo’y wala siyang suot na underwear.
Classy and sexy at bagay sa international fashion icon ang dalawang pinakita niyang outfit na balitang didiretso ng Paris after Cannes.
Inaasahang mas pasabog ang outfit niya sa mismong red carpet ng Cannes Filmfest na magtatapos na sa Sunday.
Wala na talagang kakabog kay Heart, recognized siya sa international fashion scene.
- Latest
