Julia at Joshua, gagawa ng pelikula

Muling magkakatambal sa isang pelikula sina Julia Barretto at Joshua Garcia. Isang magandang proyekto mula sa Black Sheep ang nakatakdang gawin ng dating magkasintahan. “I want to do films. I am going to be doing a movie also with Josh under Black Sheep this year,” pagtatapat ni Julia.

Matatandaang naging kontrobersyal ang hiwalayan ng dating magkasintahan noong 2019. Ngayon ay masayang-masaya ang relasyon nina Julia at Gerald Anderson. Si Joshua naman ay wala pang napababalitang bagong kasintahan. Kung may pagkakataon ay kinakamusta umanong aktres si Joshua paminsan-paminsan. “Ako tinatanong ko, ‘How are you? May girlfriend ka na ba? Huwag ka munang mag-girlfriend.’ Sabi niya sa akin, ‘Bakit ba ayaw mo akong magka-girlfriend?” Sabi ko, ‘Basta huwag ka munang mag-girlfriend. Enjoy this, enjoy what you have now.’ He’s young, he’s in his prime. He’s a brilliant actor. It’s not the time to be limited right now,” nakangiting kwento ng dalaga.

Maganda rin umano ang pakikitungo nina Joshua at Gerald sa isa’t isa ayon kay Julia. “I think one of the things that I really appreciate about him is he respects Ge a lot. That says a lot about Josh as well and how much he’s grown and matured. He respects Ge and that means a lot to me,” makahulugang pahayag ng aktres.

Arjo, isinabay sa kampanya ang pagpapapayat

Nanalo bilang Representative ng 1st District ng Quezon City si Arjo Atayde sa katatapos pa lamang na halalan. Ayon sa aktor ay hindi naman niya tatalikuran ang pag-arte sa harap ng kamera kahit manunungkulan na siya ngayon sa gobyerno. “Actually, katatapos ko lang rin po mag-shoot for Cattleya Killer right before the campaign, but I won’t be stopping showbiz,” bungad ni Arjo.

Para sa binata ay talagang malapit sa kanyang puso ang pagiging isang artista. Kailangan lamang umanong pagtuunan nang mas mahabang panahon ang kanyang tungkulin sa bayan. “Iyan ang aking hanapbuhay. So I can’t stop that. Of course, I have to prioritize specifically this one (public service). But of course, hindi na mawawala sa akin ang pag-aartista. Kasi that’s one thing I love to do the most and at the same time, make a living. Nando’n ang hanapbuhay ko,” giit niya.

Kapansin-pansin ang naging pagpayat ni Arjo nitong kasagsagan ng kampanya. Ayon sa aktor ay maraming beses siyang hindi nakakain sa tamang oras noon. “Sobrang daming schedule, parang intermittent fasting. Nagkakaroon kami ng late lunch, late dinner. Kailangan rin ako magpapayat for Cattleya. So sakto sinadya ko na rin talaga siya for the role para mag-iba ang itsura ko. Kasi for me it’s required for the role also,” paliwanag ng aktor. (Reports from JCC)