Presidential aspirants, haharap kay Jessica!
Para makatulong sa pagkilala at pagkilatis sa mga presidential aspirant sa darating na eleksyon 2022, inihahandog ng GMA News and Public Affairs ngayong Sabado, Jan. 22, ang The Jessica Soho Presidential Interviews.
Sa loob ng dalawang oras na TV special, pangungunahan ni Jessica ang pagsusuri sa presidential aspirants sa layuning makatulong sa publiko sa kanilang pagpapasya kung sino ang karapat-dapat sa kanilang boto sa darating na Mayo.
Buong tapang na tatanungin ni Soho ang kanilang mga intensyon sa likod ng pagtakbo sa posisyon, ang mga kontrobersiyang ibinabato sa kanila, ang kanilang paninindigan sa mga mabibigat na isyu at ang mga konkretong plano sakaling sila ay mahalal.
Mapapanood din ang The Jessica Soho Presidential Interviews sa iba’t ibang platforms ng GMA.
Crucial ang magiging election sa May kaya kailangan talaga nating kilalaning maigi kung sino ang ating iboboto.
Hindi tayo puwedeng paimpluwensiya lang sa mga nakikita sa mga advertisement nila.
- Latest