Jowabels ni Kiray Celis ipinatato mata ng aktres sa kanyang katawan
MANILA, Philippines — Maraming umiiwas sa permanenteng pagpapatato ng pangalan o larawan ng karelasyon sa dahilang baka mauwi rin ito sa hiwalayan — pero hindi ganyan ang pananaw ng nobyo ng isang kilalang komedyante.
Sa Instagram post nitong Linggo ni Kiray Celis, makikita kung gaano ka-proud ang kanyang boyfriend na si Stephan Estopia sa pagpapatato ng mata ng kasintahan sa pagitan ng dibdib at balikat.
"In a scale of 1 to 10, Gaano ka kamahal ng jowa mo?!" sabi ng aktres sa kanyang Instagram post.
"Ngayon sabihin niyong hindi ako maganda! Ngayon niyo ko labanan! Eme! HAHAHAHAHAHAHAHAHA!"
Paliwanag niya, matagal nang sinasabi ni Stephan na gagawin niya ito. Gayunpaman, seseryosohin pala ito ng kanyang bufra at tinotoo na noong ika-17 ng Setyembre.
Alam naman daw ni Kiray na iniiwasan itong gawin ng maraming magkarelasyon dahil sa posibilidad na maaaring magkahiwalay. Pero hindi naman daw nakadepende ang kahihinatnan ng relasyon sa tintang ibinurda sa balat.
"Nasa sainyo parin yun. Babalikan ko kayo lahat pag kasal na kami! HAHAHAHAHA! Paanisss!" dagdag pa niya kalakip ang video.
"Thank you for everything at mahal na mahal kita daddy!"
Paliwanag ng kanyang kasintahan, desidido siya sa kanyang ginawa at paninindigan na ito: "Ikaw na hanggang sa dulo.. Hindi magsisisi. Hindi magbabago.. Kaya, kapag mahal mo, ipa-tattoo mo," sabi ni Stephan sa hiwalay na paskil nitong Sabado.
"Mata mo palang to, sunod naman buong pangalan mo, buong mukha mo. Tapos mga anak natin. Mahal na mahal kita sobra sobra sobra Mommy @kiraycelis!"
Huling gumanap sa telebisyon si Kiray bilang si Evelyn "Evs" Morales-Guipit sa Kapuso romantic-comedy series na "Owe My Love" ngayong 2021.
Gumanap naman siya bilang si Lorena sa pelikulang "D'Ninang" noong nakaraang taon, bagay na nini-stream din sa streaming service na Netflix.
- Latest
