Gabbi, hindi pa handa sa Miss Universe

Ito ang sinabi niya kahapon pagkatapos niyang mag-renew ng contract sa GMA 7.

May ilang kasing nangungulit na ba’t ‘di pa siya sumali.

“I have so much in line for me, for my acting career, for my brand endorsements, so I guess I am not yet fully focused when it comes to pageantry,” aniya pa sa online media conference kahapon.

Pag 100 to 200 % sure na raw siya at ‘yun lang ang gagawin niya for a year though hindi raw niya isinasara ang doors para matupad ang pangarap niyang maging beauty queen.

“The dream is there. The desire is there, but let’s just wait for the right time cause I really dont wanna enter the pageant world na I’m not 200 percent,” sagot niya pa kahapon.

Filipina beauty si Gabbi at malaki talaga ang chance na kung sasali, puwedeng-puwede siyang manalo. May brain, so more than qualified siya.

Pero ‘yun nga maraming naka-line up na project si Gabbi sa GMA. Kasalukuyan siyang napapanood sa Eat Bulaga at sa Saturday bibida sila ni Khalil Ramos sa Regal Studios Presents: One Million Comments, Magjo-Jowa na Ako.

Bida rin sila Love You Stranger na na-delay  ang airing.

Aktor, kapit pa rin sa ‘bisyo’

True kayang balik na naman sa dating bisyo ang isang actor?

May signs na naman nga raw na hindi pa rin talaga ito nakakawala sa kanyang pagbibisyo ayon sa isang source.

May moment na naman daw itong tulad noon na iba naman ang priority sa buhay.

Sayang kung totoo ito.

Nakakabangon na sana siya at parang maayos na uli pero kung ganito, kawawa naman siya.

Kapuso personalities, join na rin sa #24OrasChallenge!

Tuloy pa rin ang pagrami ng mga gustong ma-experience what it’s like to be a broadcaster dahil maging ang Kapuso stars sumali na rin sa #24OrasChallenge na trending ngayon sa Tiktok!

Ilan na rito sina Carla Abellana, Thea Tolentino, Elijah Alejo, Faith Da Silva, Luke Conde, Ashley Ortega, Jennifer Maravilla, Ashley Rivera, at Crystal Paras.

Maging ang Biyahe Ni Drew host na si Drew Arellano, game maki-chika minute with his wife and Chika Minute anchor na si Iya Villania-Arellano.

Marami naman ang natuwa sa Pepito Manaloto star and comedian na si Michael V. na nag-ala Mike Enriquez sa kanyang reporting.

At ang GMA news reporters, game na rin! Kasama na rito sina Oscar Oida, Mariz Umali, at award-winning broadcast journalist na si Jessica Soho! Ang video ni Jessica, naka-1 million views na!