Sen. Bong, itatambal kay Andrea!

May birthday blowout si Sen. Bong Revilla sa kanyang followers sa Facebook page.

Yup, balik-‘game show’ ni Sen. Bong para mamigay ng papremyo.

Bago nag-pandemic, nagiging ‘reunion’ ng kanyang pamilya at mga kaibigan sa showbiz ang  birthday celebration aktor-pulitiko.

At tulad last year, may Kap’s Agimat Birthday Giveaway’  siya sa kanyang mismong birthday sa Sabado, Setyembre 25 at Linggo, Setyembre 26.

Santambak daw uling gadgets (laptop, cellphone at iPad) ang mapapanalunan at bonggang Kabuhayan package at cash prizes.

Sa mga interesadong sumali, mag-register sa Google form link at isumite ito sa social media account ni Sen. Bong.

Kailangang ding mag-subscribe sa kanyang official YouTube Channel.

Anyway, kumusta na kaya ang book 2 ng Agimat ng Agila?

May clamor na ituloy ang kuwento nito dahil nabitin talaga ang mga nanood.

Diumano, ang plano, si Andrea Torres na ang magiging leading lady niya rito.

Ito kaya ang rason kaya si Rabiya na ang ibibigay kay John Lloyd?

Anyway, happy birthday, Sen. Bong.