Rhian, may trauma sa marriage proposal?
Riot sa katatawanan at kilig ang bagong episode ng Dear Uge – ang Deadz Ako Sa ‘Yo – na mapapanood ngayong Linggo, Sept. 19.
Tampok dito sina Rhian Ramos bilang Aloha at Paolo Contis bilang Tats.
Kasama rin ang host na si Eugene Domingo bilang si Mary Juana Habpan.
May trauma sa marriage proposals si Aloha (Rhian) dahil tatlo sa kanyang boyfriends ay namatay matapos na alukin siyang magpakasal. Paniniwala niya, sumpa ang marriage proposals kaya naman nagbago ang pananaw niya sa pakikipagrelasyon. Mas pipiliin niya ang mga lalaking hindi naniniwala sa kasal gaya na lang ng tattooed rocker na si Tats. Ang tingin kasi ni Aloha kay Tats, iresponsable at walang planong magpakasal.
Pero paano na lang kung lumuhod na ito sa kanyang harap habang may hawak na singsing?
- Latest
