Mister niratrat ng 5 armado habang nakaluhod at nakagapos
CAWAYAN, Masbate, Philippines — Patay ang isang hindi pa kilalang lalaki matapos pagbabarilin ng limang armado habang nakaluhod at nakagapos sa tabi ng kalsada ng Purok 4, Sitio Sto. Niño, Brgy. Recodo ng bayang ito, kamakalawa.
Patuloy na inaalam ng mga pulis ang pagkakakilanlan ng biktima na tinatayang nasa 35-anyos ang edad, nakasuot ng jersey na may number 71 at may pangalang Sastae, at naka-short pants ng kulay itim at green.
Hindi naman nakilala ang mga gunmen na mabilis na nakatakas lulan ng hindi naplakahang sasakyan.
Sa ulat, pasado alas-6 ng umaga nakita ng ilang residente ang pagdating ng grupo saka pinaluhod ang biktima na nakagapos sa likod ang dalawang kamay.Sa hindi malamang dahilan ay bigla itong pinagbabaril dahilan nang agarang kamatayan.
- Latest
