Tanod itinumba ng tandem
MANILA, Philippines — Bulagta ang isang barangay tanod nang tambangan at barilin sa kanyang tricycle ng riding-in tandem sa Brgy. Dardarat, Tagudin, Ilocos Sur.
Kinilala ang biktima na si Dante Julio alyas “Ampi”, may asawa, residente at barangay tanod ng Brgy. Lacong ng naturang bayan.
Sa imbestigasyon ng Tagudin Municipal Police, isang saksi ang nakarinig ng putok ng baril hanggang sa makita nito ang biktima na nakalupasay na sa tricycle nito at naliligo sa sariling dugo.
Nakita pa umano ng testigo ang mga hindi nakilalang suspek na magkaangkas sa isang motorsiklo na mabilis na tumakas papuntang hilagang direksyon matapos na makitang napuruhan nila ang biktima.
Patuloy ang ginagawang imbestigasyon ng Tagudin Police sa motibo sa krimen at mga responsable rito.
- Latest
