20 ‘tulak’ huli sa serye ng buy-bust
CAVITE, Philippines - Umabot sa 20 na hinihinalang tulak ng droga kabilang ang walong babaeng naaresto ng Cavite Police sa isinagawang buy-bust operation sa magkakahiwalay na lugar sa lalawigan.
Isinagawa ang magkakahiwalay na buy-bust operation sa pagitan ng alas-1:35 kamakalawa ng hapon hanggang alas-2:00 Sabado ng madaling araw sa tatlong lungsod at apat na bayan sa Cavite.
Nanguna ang lungsod ng Dasmariñas sa pinakamaraming mga hinihinalang drug pusher na inaresto na nasa anim, habang tig-apat sa Cavite City at Silang; tig-dalawa naman sa Naic at Bacoor City at tig-isa sa Alfonso at General Mariano Alvarez (GMA) o kabuuan na 20 katao.
Sa nasabing bilang, walo rito ay babae mula sa Dasmariñas City at Cavite City na tig-apat habang tig-isa mula sa Naic at Silang.
- Latest