Dating CamSur Rep. Nonoy Andaya pumanaw sa edad na 53
MANILA, Philippines — Pumanaw na sa edad na 53 si dating Camarines Sur 1st district Rep. Rolando Andaya Jr. ngayong umaga, June 30.
Kinumpira ng kanyang mga anak na sina Ranton at Katrina ang pagpanaw ng dating kongresista sa isang Facebook post.
“With deep grief and sadness, we announce the untimely death of our father, former member of the House of Representatives, Rolando “Nonoy” G. Andaya, Jr., this morning, June 30, 2022,” ayon sa Facebook post, Huwebes.
“We request for your fervent prayers for his eternal repose, and to allow us, his family, to grieve privately our loss.”
Hindi tinukoy ng mga anak ni Andaya ang dahilan ng kanyang pagpanaw.
Matatandaang nagsilbi si Andaya bilang House Majority Leader sa loob ng isang taon sa ilalim ng 17th Congress.
Nitong nakaraang eleksiyon, inendorso si Andaya ni dating Vice President Leni Robredo sa pagkagobernador ng CamSur. Nauna nang sinuportahan ni Andaya si Duterte-Carpio bilang pangulo.
Gayunpaman, si Duterte-Carpio ay tumakbo bilang bise presidente sa pinakamahigpit na kalaban ni Robredo na si Ferdinand "Bongbong" Marcos Jr.
Tumakbo si Andaya bilang gobernador nitong nagdaang halalan ngunit natalo sa pinakamalapit na boto kay Luigi Villafuerte. — Philstar.com intern John Vincent Pagaduan
- Latest
