Team leader ng BFP, tigok sa sunog
POLANGUI, Albay , Philippines — Patay sa sunog ang team leader ng Bureau of Fire Protection (BFP) sa bayang ito matapos atakihin sa puso habang pilit inaapula ang sunog ng isang gusali sa Brgy. Ubaliw ng bayang ito kahapon ng hapon.
Bayani kung ituring ngayon sa bayan ang biktimang si Senior Fire Officer 1 Ramon Qiuapon Jr., kasapi ng BFP-Polangui dahil sa kanyang pagkasawi habang ginagampanan ang kanyang tungkulin.
Ayon sa ulat, dakong ala-1:30 ng hapon, sumiklab ang sunog sa gusali ng JP Liao Trading na pag-aari ni Letecia Lo.
Agad rumesponde ang pamatay sunog ng bayan sa pangunguna ni SFO1 Qiuapon kung saan sumunod na dumating ang mga fire trucks mula sa Libon, Ligao at Oas dahil sa itinaas na ang alerto ng sunog. Gayunman, habang nasa kainitan ng pagsugpo sa apoy ay biglang inatake sa puso ang biktima dahilan ng tuluyang pagkasawi nito.
- Latest