Hepe ng Police Intel, utas sa sariling boga
MOBO, Masbate, Philippines — Hindi na umabot nang buhay ang hepe mismo ng Masbate Police Provincial Office-Provincial Intelligence Unit na isang lieutenant colonel matapos na hinihinalang mabaril ang sarili sa loob ng kanilang kuwarto sa Purok Bliss, Brgy. Umabay Exterior sa bayang ito kamakalawa ng gabi.
Isang tama ng punglo sa tiyan ang agarang ikinasawi ni P/Lt. Col. Steve Dela Rosa, 39-anyos, may asawa at residente ng naturang lugar.
Sa ulat, dakong alas-10:45 ng gabi habang nag-aayos ang opisyal ng kanyang mga kagamitan at uniporme sa loob mismo ng kanilang kuwarto nang biglang nakarinig ng putok ng baril ang asawa nito.
Agad na tinungo ng misis ang kanilang kuwarto at dito bumulaga sa kanya ang duguang mister.
Gamit ang motorsiklo ay mabilis na iniangkas ang duguang biktima ng isa sa kaanak para isugod sa pagamutan kung saan nasalubong nila sa kalsada ang patrol car ng rumespondeng pulis at dinala ang opisyal sa Masbate Medical Mission Group Hospital Service Cooperative pero idineklarang dead-on-arrival.
- Latest
