Panawagan sa gobyerno: Red-tagging sa mediamen, itigil na!
BAGUIO CITY, Philippines — Nanawagan kahapon ang mga journalists at media workers sa Baguio at Benguet na itigil na ng pamahalaan ang “red-tagging” sa kanilang mga kasamahan matapos na makatanggap muli si Baguio Correspondents and Broadcasters Club Inc. (BCBC) president Aldwin Quitasol, correspondent ng The Tribune, ng “summon” para sa sinasabing “anti-insurgency dialogue” ng pulisya at militar.
Bunsod nito, isang nagkakaisang pahayag ang inilabas ng BCBC at National Union of Journalists Baguio-Benguet (NUJP-BB) chapter na bumabatikos sa ala-Tokhang style ng Philippine National Police (PNP) upang malabanan at mapuksa ang CPP-NPA na dahilan ng panggigipit naman sa mga mamamahayag na nili-link sa nasabing grupo.
“The measure aims to harass and intimidate activists. This includes members of the media, which state authorities presume (to have) links with the Communist Party of the Philippines (CPP) and the New People’s Army (NPA),” ayon sa joint statement.
Ayon kay Quitasol, nakatanggap siya ng sulat mula sa Baguio Police at Philippine Army para dumalo sa isa pang dayalogo bilang bahagi umano ng Community Support Program White Area Operation (CSP-WAO) ng pulisya at militar na isang “component” ng “Oplan Kapayapaan” ng gobyerno.
Nabatid na noong 2021, si Quitasol ay pinatawag muli para sa sinasabing “dayalogo”.
“Tinanong sa akin ‘yung mga coverages namin kung nakakatanggap kami ng sulat mula sa NPA, mga statements mula sa CPP-NPA, kung paano kami nakakatanggap,” pahayag ni Quitasol.
Binigyang diin ni Quitasol sa mga awtoridad na ang journalists’ email accounts ng mga mamamahayag ay karaniwang pampubliko dahil ginagamit ang mga ito sa news-gathering o pangangalap ng balita.
“This does not make us part of the communist-led armed rebellion,” diin nito.
- Latest
