P13.6 milyong shabu nasamsam sa PDEA buy-bust, 3 timbog
MANILA, Philippines — Umaabot sa P13.6 milyong halaga ng shabu ang nasabat sa joint operation ng mga tauhan ng Indanan Municipal Police at Philippine Drug Enforcement Agency (PDEA) mula sa tatlong suspek na kinabibilangan ng isang barangay kagawad sa Indanan, Sulu.
Batay sa report na pinadala sa Camp Crame, nakilala ang mga nadakip na sina Ilahan Sabdain Yahya, 48, barangay kagawad ng Brgy. Gata-Gata, Panglima Estino, Sulu; Muride Jarih Ahajan, 31; at Elwina Hamidan Unaid, 24, estudyante.
Nakuha sa mga nadakip ang tinatayang dalawang kilo ng shabu na nagkakahalaga ng P13,600,000; P1,000 bill na ginamit na buy-bust money at boodle money.
Ayon sa PDEA, ang mga suspek ay responsable sa illegal drug operations sa mga karatig na bayan sa Sulu province.
“I congratulate the operating units for this successful operation. Ang magandang kooperasyon at koordinasyon natin ang isa sa naging daan upang masabat ang nasabing dami at halaga ng hinihinalang shabu,” ani Police Brigadier General Eden Ugale, director ng Police Regional Office sa Bangsamoro Autonomous Region in Muslim Mindanao.
- Latest
