Magnitude 6.1 na lindol tumama sa Davao Occidental

MANILA, Philippines — Isang malakas na lindol na umabot sa magnitude 6.1 ang yumanig sa area ng Sarangani Island sa Davao Occidental kahapon ng umaga.

Ayon sa Philippine Institute of Volcanology and Seismology (Phivolcs), ang pagyanig ay naitala dakong alas-7:48 ng madaling araw.

Ang epicenter ng lindol ay matatagpuan sa 04.46°N, 127.83°E - 285 km S 67° silangan ng Sarangani Island sa Davao Occidental.

Anang Phivolcs, ang lindol ay may lalim na 156 kilometro at tectonic ang origin nito.

Wala namang pinsala na inaasahan ang Phivolcs dahil sa pagyanig, ngunit asahan na anila nila ang pagkakaroon ng mga aftershocks.