P3 milyong shabu nasamsam sa Clark
SUBIC FREEPORT, Pampanga, Philippines — Tinatayang aabot sa P 3 milyon halaga ng pinanininwalaang shabu ang nasabat ng Clark authorities sa isang lalaki na nakalagay sa kanyang bagahe mula sa Strand, South Africa.
Ayon sa Bureau of Customs (BOC) Port of Clark na inaresto ang nasabing lalaki na hindi muna pinangalanan na residente ng Hermosa, Bataan.
Sinabi ng BOC Clark na ang operasyon ay resulta ng natanggap nilang impormasyon noong Nobyembre 30 na may isang lalaki na magpupuslit ng shabu na nakalagay sa traveling bag pagdating sa Port of Clark.
Agad na nakipagkoordinasyon ang BOC personnel sa Philippine Drug Enforcement Agency (PDEA), Enforcement Security Service (ESS), Customs Anti-Illegal Drugs Task Force (CAIDTF) at operator ng warehouse sa Clark.
Nang dumating ang shipment, ay idineklara na ang laman ay mga damit,subalit nang isailalim sa X-Ray scanning at K9 sweeping ay nadiskubre na naglalaman ng illegal drugs na nakalagay sa mga tasa,figurines, damit, tsinelas at brown pouch.
Tumitimbang ang nakumpiskang shabu na 470 gramo,inihahanda ang kaso laban sa suspek na hindi muna pinangalanan.
- Latest
