3 trabahador nakuryente, dedo
JOSE PANGANIBAN, Camarines Norte, Philippines — Sabay-sabay na nakuryente ang tatlong trabahador habang naglilinis ng abandonadong bahay sa Purok-6, Brgy. Luklukan Sur, ng lalawigang ito kamakalawa ng umaga. Kinilala ang mga nasawi na pawang gold panner na sina Jhan-jhan Corbito, 25-anyos, binata, residente ng naturang barangay, Erwin Overa Borja, 35-anyos, may asawa at Wency Dias Bajaro, 28-anyos, mga residente ng Purok-7, Brgy. Gumaus, Paracale.
Sa ulat, dakong alas-7:50 ng umaga ay naglilinis ng abandonadong bahay na pag-aari ng isang Marilou Paredes ang mga biktima malapit sa kanilang mining area na gagawin umano nilang pahingahan nang aksidenteng nahawakan ng isa ang kable ng kuryente.
Agad sumaklolo ang dalawa, pero pati sila ay nakuryente rin at sabay-sabay na nangisay.
Mabilis namang sumaklolo ang mga residente at sinubukang isugod ang walang malay na mga biktima sa Jose Panganiban Primary Hospital pero lahat idineklarang dead-on-arrival.
- Latest
