5 ‘tulak’, tiklo sa drug buy-bust sa Bulacan
MANILA, Philippines — Tinatayang aabot sa mahigit P500K halaga ng ipinagbabawal na droga at P20K halaga ng marijuana ang nabawi ng mga otoridad sa 5 hinihinalang tulak sa isinagawang drug buy-bust operation sa tatlong bayan at isang siyudad sa lalawigan ng Bulacan, kamakalawa ng hapon.
Kinilala ni P/Col. Manuel Lukban Jr., ang mga naarestong suspek na sina Gregor Macalam ng Brgy. Graceville City of San Jose del Monte na nakumpiskahan ng 55 gramo ng shabu na nagkakahalaga ng P374K, Wilson Laureta ng Brgy. 181, Caloocan City na nakumpiskahan ng P136K halaga ng shabu at isang motorsiklo, Jeffrey Salinas ng Brgy. Sabang, Baliuag at kasama nito na si Cesar Reyes ng Brgy. Lambakin, Marilao, Bulacan na nakumpiskahan ng P15,844.00 halaga ng shabu at isang bloke ng pinatuyong dahon ng marijuana na nagkakahalaga ng P20K, isang Colt MK IV Caliber 45 pistol at si Christopher Lazaro ng Brgy. Lumang Bayan, Plaridel na nakumpiskahan ng 12 plastic sachet ng shabu na nagkakahalagang P12K.
Naaresto ang mga suspek sa isinagawang magkakahiwalay na drug bust operation sa lalawigan ng Bulacan ng iba’t ibang Stations Drug Unit at pawang mga High value target na nasa listahan ng PDEA drug watch list.
- Latest