Ginang timbog sa shabu buy-bust

SAN JOSE DEL MONTE CITY, Bulacan, Philippines — Tiklo sa ang isang ginang na sinasabing “tulak” umano ng ipinagbabawal na droga sa isinagawang drug operation sa brgy. San Pedro ng nasabing siyudad kamakalawa ng gabi.

Kinilala ni P/Col. Manuel Lukban Jr, Acting Bulacan Police Director ang naarestong suspek na si Josielyn Lopez, 38, ng Area F nasabing barangay.

Sa inisyal na imbestigasyon, alas-6:30 ng gabi ng maglatag ng buy-bust operation ang mga otoridad laban sa suspek na matagal nang inirereklamo sa kanilang lugar dahil sa lantaran umano nitong pagbebenta ng ipinagbabawal na droga.

Hindi na nagawang pumalag ng ginang nang maaresto siya at nabawi dito ang 21 small sachet ng shabu na tumitimbang ng apat na gramo na nagkakahalaga ng P27,200. Nahaharap sa kaukulang kaso ang ginang.