Police Major naglaro ng ari sa harap ng saleslady
LEGAZPI CITY, Albay, Philippines — Nahaharap sa kasong administratibo ang isang opisyal ng Philippine National Police matapos “paglaruan” ang kanyang “ari” sa harap ng isang saleslady sa Hong 1 Mall, F.Imperial St.,Brgy.Tinago ng lungsod na ito kamakalawa ng hapon.
Hindi na pinangalanan ng Camp Gen.Simeon Ola ang pangalan ng police major at kung saan ito nakatalaga.
Hindi na rin lumantad ang biktima makaraang makiusap ang suspek at nagkaroon ng kasunduan ang dalawa.
Ayon sa ulat, pumasok umanong nakasibilyan sa mall ang pulis at sa harap ng saleslady ay “pinaglaruan” ang kanyang ari dahilan para humingi ng responde sa mga gwardya na nakuhanan ng CCTV at nang arestuhin ay pinakita nito ang PNP-ID.
Ayon sa panayam ng media kay Lt.Col.Rodelon Betita, hepe ng Legazpi City Police Station, kahit nagkaroon nang pag-uusap ang suspek at biktima ay ipinarating pa rin nila sa PRO 5 ang report para sa posibleng pagsasampa ng administrative case.
Humingi naman ng dispensa sa publiko si PRO5 regional director Brig.Gen.Jonel Estomo at agad na nag-utos sa agarang imbestigasyon para papanagutin sa kabastusang ginawa ng pulis opisyal.
Hindi umano siya papayag na maapektuhan ang magandang imahe ng kapulisan sa rehiyon.
- Latest